{ BEAUTY }
13 Feb 2018
新一年化返個行運妝!2018新春開運化妝小技巧






又到農曆新年,新一年梗係要化返個新春開運妝旺一旺佢~唔理係想要戀愛運、財運定工作運,都睇下有咩彩妝小技巧啦!

 

~戀愛運~

 




相信唔少sis都好緊張自己嘅戀愛運,而女性最大嘅魅力除咗對眼之外,個嘴都好緊要!

 




想提升戀愛運就可以化返個費洛蒙唇妝。唇線可以畫得比平時出少少,營造豐滿嘅效果,配合珊瑚色或者蜜桃色呢類顏色就更加好!另外,可以係唇中央點少少唇彩,令人視線更容易集中係雙唇度又有少少性感嘅感覺,真係見到都想鍚落去啊!

 




不過記住就唔好搽啲螢光、偏藍調嘅粉紅色同深色系,雖然係流行,但對戀愛運無咩幫助架!

 

~人緣運~

 





近年就興粗平眉,而粗眉比起幼眉更加平易近人同有善良嘅感覺,可以加強人際關係,所以大家都可以挑戰一下,當然唔係畫到好似蠟筆小新咁啦(笑)

 





而顏色方面,可以揀一啲明亮嘅啡色,令人感覺更活潑,亦都可以襯返自己髮色!

 






想加強工作運就唔好畫一字眉喇!可以眉尾修返幼細少少。

 

 

~機會運~

 





想新一年有多啲唔同嘅轉機嘅話,不妨可以試下呢個開運胭脂!係顴骨較高嘅位置,以眼睛下方為中心掃上胭脂,機會就可能嚟架喇~

 









顏色嚟講可以揀啲粉嫩嘅粉紅色或者珊瑚色,就會有一種明亮活潑嘅印象!

 

~財運~

 







除咗戀愛運,大家都想新一年財源滾滾來~加強財運嘅話著晒紅色衫紅色內衣褲當然係一種方法,原來「打亮」「提亮」都好緊要!

 


要注意三個Highlight嘅位置就係眼底、鼻尖同下巴。眼底提亮可以令黑眼圈無咁明顯成個人都精神咗,而鼻尖同下巴就係臉部最突出嘅位置,搽返啲光影提亮,個人有朝氣啲財運都自然好啦!

 

Source:instagram

YOU MAY ALSO LIKE
News
Feature
Blog
Load more
 
NOTIFICATION