{ FORUM - BEAUTY }
Search
Title / Tags Author

查看: 3898|回覆: 1

去黑眼圈/眼袋療程經驗分享

[複製鏈接]

註冊日期: 2009之前

發表於 2016-7-23 18:44 | 顯示全部樓層 |閱讀模式
之前係網上見到有一間以疏通眼部經絡,達致去黑眼圈/眼袋既專門店,心癢癢,所以就去試下。間店係cwbtst都有分店,仲有試做價$188就可以享受到大約1小時既眼部療程。

時間好易約到,一上到去,會叫你填資料(其實唔使太認真填)同埋俾碗湯你飲(其實係去濕茶囉,但佢同我講話係湯,ok, fine)。跟住入房,換衫,訓上床,等人入黎。治療師入到黎,會幫你落妝,然後同你解釋黑眼圈分幾多種,你係邊一種,跟住就好似醫師上身甘話:你一定係成日捱夜,望電腦/電話,訓得唔好,blahblah blahANYWAY,落完妝後,佢就開始按眼部既唔同穴位,邊按邊講解佢按緊既係叫咩穴位,有咩用,都幾舒服既。跟住佢就用一枝叫磁x經絡棒去疏通眼部經絡。佢用呢枝棒既時間,係會有d痛,但係女人為變靚,忍痛能力係超乎想像嫁!!!果時個心只係諗緊一條問題:大佬呀,你甘用力用枝野幫我通經絡,會唔會攪到我出多幾條紋。做完一邊,治療師俾塊鏡我,叫我睇下效果。我一睇,真係想抽一口涼氣,除左紅左同眼袋比做之前大左之外,我咩都贂唔到囉。但眼利既治療師就睇到我睇唔到既野,佢堅持話通左經絡既果隻眼係淺色左(果然厲害)。由於本人仲訓係床上,所以只好和應佢話:好似又係喎。之後,佢當然係甘SELL我買個療程,又話有幾平呀,點點點。個療程至少要買25次或35次,加埋都差不多成萬蚊。價錢算喇,如果你真係有效果,甘就算,但問題係無呀麻。係佢幫我做另一隻眼時,佢就不停SELL,而我就不停話:我考慮下喇。個腦就係度諗等一陴點甩身。

療程完左後,D人緊係唔會甘易俾我走,叫你坐低,又俾碗湯你飲,繼續SELL。係呢時候,一定要堅持,就算對方講咩,你都要答:我要考慮下。最後對方當然黑面放我走喇。經過今次經驗後,我想同大家講,平時早D訓,擦EYECREAM時順便按下眼四周,用下EYE MASK,都會有效果嫁。不過,d甘老生常談既野,又有幾多人真係做到 J

回覆
+ Favorite

舉報

註冊日期: 2016-7-4

發表於 2016-7-24 22:55 | 顯示全部樓層
不如你試我個間, 耳穴貼加眼部按摩, 做完立即見效, 隻眼大左, 眼皮立即收緊及視力比之前清左, 我長期戴 con 及用手機的
您需要登錄後才可以回帖 登錄 | 註冊

News
Feature
Blog
Load more
 
NOTIFICATION