{ FORUM - LOVE }
Search
Title / Tags Author

查看: 34905|回覆: 26

婚後同父母同住?

[複製鏈接]

註冊日期: 2015-5-22

發表於 2018-7-1 00:01 | 顯示全部樓層 |閱讀模式
我本身係外國畢業左,就係度識左現任男友。
最近佢開始有計畫話要結婚,買樓(佢本身有樓,同阿哥一齊供,同父母同住)。
因為打算係度生活,我屋企人都有準備咗筆錢畀我買樓(大概係房價的一半)


依家半同居真心覺得同佢媽相處唔到,佢媽會好多投訴同意見
我同佢講我想結婚後有自己的空間,不想同父母同住,
不介意買細間啲,我出首期一齊供(佢月薪多我三到四倍)
佢可以留住本身層樓俾父母住
佢都堅持要買大間啲同父母住,話以後有小朋友,父母可以照顧





回覆
+ Favorite

舉報

註冊日期: 2017-8-23

發表於 2018-7-1 00:37 | 顯示全部樓層
佢父母願吾願意照顧至得嫁?
何況老一輩教學方式同你地可能又吾同,到時都要夾,免得小朋友面對多重標準,夾吾黎就仲多紛爭

註冊日期: 2014-10-22

發表於 2018-7-1 00:52 來自手機 | 顯示全部樓層
孝順仔尤其係媽宝果D,真係唔好嫁。

註冊日期: 2017-10-10

發表於 2018-7-1 02:43 | 顯示全部樓層
咁就唔好嫁,你娘家出埋首期,條裙腳仔都堅持要同父母同住,咁就由佢住過世。

你預左未婚前都傾唔埋,就算婚後在其他大小事方面,都一定唔會同佢傾得埋,甚至慘到佢阿媽話咩佢就信咩⋯

真係唔好嫁,嫁左冇幸福,女人都係求有個安樂的家,咁ge男人嫁唔過⋯裙腳仔係緊次於出軌男人後,最不可嫁的男人⋯

註冊日期: 2018-1-15

發表於 2018-7-1 03:04 來自手機 | 顯示全部樓層
第日結左婚同99有咩爭執,睇個勢佢都會幫住佢呀媽,有埋小朋友仲大獲,一定會話99幫手湊小朋友好辛苦架,你咪就下佢囉…
你就到嘅咪得囉,就唔到勸你氹掂佢搬出黎住啦~仲要到時你有咩委屈,又唔係香港冇咁易返娘家,你孤立無援,自己受架咋!

註冊日期: 2015-8-22

發表於 2018-7-1 06:21 | 顯示全部樓層
唔好嫁

註冊日期: 2018-6-8

發表於 2018-7-1 09:25 | 顯示全部樓層
千祈、千祈、千祈、千祈唔好嫁,唔好妄想做咗佢老婆身分轉變咗後佢會一切以你感受行先,佢媽永遠係第一位呢個事實係唔會變,佢情願你嬲你鬧你難受,佢都會站在佢媽那邊,寄人籬下你永遠只係一個外人,你永遠都係要不斷降低自己低線放下自己堅持去配合佢哋一家,連自己私人空間都無,唯有自己搬出去一家一主自己做女主人,你才不需要事事都要去配合別人,不需要永遠做被動那個

註冊日期: 2017-7-10

發表於 2018-7-1 10:18 | 顯示全部樓層
支持唔好嫁, 一定要傾惦數先好結婚, 唔係到時一齊住,有事上來老公又幫住佢媽媽, 你無人無物, 又帶唔走層數, 到時咩都無晒。

註冊日期: 2018-6-8

發表於 2018-7-1 10:28 | 顯示全部樓層
仲有好緊要一點,就係你無論遇到什麼事情幾唔中意,或者見到事情有幾不合理,你係外人,你不方便出聲,但你亦唔好旨意同老公講,因為你同佢講的話,佢會覺得你心胸狹窄量度低,帶緊麻煩俾佢,男人對老婆嘅想法只有一個,就係:我媽講乜你做乜,我媽煮乜你食乜,我媽做乜由得佢,多啲氹下我媽
總之喺男人心目中,你要孝順我媽,如果能夠做埋妹仔角色更加完美
但從來佢哋都無想過,女人都有自己父母,在娘家係如珠如寶,對住自己媽有時不滿都可以發下媽咪脾氣,但在男家,有什麼事都要打掉門牙和血吞,所以自己搬出去一家一主自己做女主人係好緊要

註冊日期: 2018-6-29

發表於 2018-7-1 10:31 | 顯示全部樓層
相處好同住難...就算唔同住少見都有不同意見!

註冊日期: 2017-8-16

發表於 2018-7-1 13:45 來自手機 | 顯示全部樓層
千其唔好嫁,你一定後悔

註冊日期: 2012-10-16

發表於 2018-7-1 13:50 | 顯示全部樓層
堅持要同父母住而唔理對方感受既人 嫁左慘過食屎 你睇所有sis一面倒既反應就知 如果你係外國冇人冇物仲衰 有咩事上黎冇人撐 一係你自己買多層樓囉 叫做多個避風港

註冊日期: 2014-10-22

發表於 2018-7-1 14:37 來自手機 | 顯示全部樓層
你畀樓價嘅一半,但佢就要接埋阿爸阿媽入去住。
你都幾好呀,你個外家養埋男家。
你老公唔會覺得唔好意思呀咩?

註冊日期: 2015-5-22

 樓主| 發表於 2018-7-1 21:03 | 顯示全部樓層
莉莉_ 發表於 2018-7-1 00:37
佢父母願吾願意照顧至得嫁?
何況老一輩教學方式同你地可能又吾同,到時都要夾,免得小朋友面對多重標準, ...

同意!我都係覺得再辛苦都想自己照顧個小朋友會好啲

註冊日期: 2015-5-22

 樓主| 發表於 2018-7-1 21:21 | 顯示全部樓層
kit C 發表於 2018-7-1 14:37
你畀樓價嘅一半,但佢就要接埋阿爸阿媽入去住。
你都幾好呀,你個外家養埋男家。
你老公唔會覺得唔好意思 ...

我同佢講,我都接埋我daddy mummy過來一齊住,佢某聲出

註冊日期: 2014-10-22

發表於 2018-7-1 21:24 來自手機 | 顯示全部樓層
smoody 發表於 2018-7-1 21:03
同意!我都係覺得再辛苦都想自己照顧個小朋友會好啲

我係已婚人士 ,我可以好肯定同你講~每一個家庭只可以有一個女主人。
如果自己畀錢,又要返工,仲要供埋層樓,返到屋企個奶奶仲要阿吱阿咗,乜都唔滿意諸多意見,咁嘅生活真係非人所忍受。 加上你而家半同居,你都話佢阿媽好麻煩。第日你入咗門,佢係奶奶係你長輩,我可以好肯定同你講~你唔會有好日子過 。
如果你男朋友一定要老母住咁,你叫佢同個老母一齊過世啦。
唔係話自己自私,結婚之後希望有自己嘅家庭有咩問題?調返轉,如果你話結咗婚之後你一定要同外夫外母一齊住,佢又肯唔肯啦?佢有老豆老母,你都有 。
所以你真係諗清楚,呢個男人係咪你嘅良人?

註冊日期: 2015-5-22

 樓主| 發表於 2018-7-1 21:27 | 顯示全部樓層
多謝大家既意見,我同佢講左我暫時唔想結婚,真系覺得嫁左要做埋佢屋企人既妹仔。都係打算自己買一間自己供!

註冊日期: 2016-4-17

發表於 2018-7-1 21:43 | 顯示全部樓層
做得好 真係唔好嫁

註冊日期: 2014-10-22

發表於 2018-7-1 23:52 來自手機 | 顯示全部樓層
smoody 發表於 2018-7-1 21:27
多謝大家既意見,我同佢講左我暫時唔想結婚,真系覺得嫁左要做埋佢屋企人既妹仔。都係打算自己買一間自己供 ...

你屋企都可以幫你畀到一半樓價,我相信供嗰方面,對你嚟講唔係問題。
其實咁樣反而仲好,你名正言順間屋淨係得自己一個人嘅名,又唔使話要加佢個名落去,因為你哋都未結婚。 你真係唔好咁老定呀,好多嘢都會變。你唔好諗住一定非嫁佢不可,就戇居居落埋佢個名呀。好多姊妹都係咁樣,禾結婚已經加咗男人個名,之後就出事。
就算真係結咗婚,佢搬過嚟住。大佬,層樓係你嘅,佢冇份,佢都唔可以名正言順有帶埋成家人過嚟住啦。
同埋,女人始終有自己嘅安樂窩係好啲㗎。

樓你照買啦,到時睇下落名嗰度,佢會唔會出聲?如果佢出聲話要加名,你自己就小心啲。 有啲咩事,你咪攞屋企人出嚟做擋箭牌囉。 其實你之前諗住同佢一齊供樓 ,但你都話啦,佢而家住緊嗰層樓都係兩兄弟仲供緊,佢點會幫你供喇。

註冊日期: 2014-11-25

發表於 2018-7-2 04:23 | 顯示全部樓層
唔好嫁,呢d男人無主見唔識尊重別人
淨係有老母萬事足
您需要登錄後才可以回帖 登錄 | 註冊

News
Feature
Blog
Load more
 
NOTIFICATION