{ FORUM - LOVE }
Search
Title / Tags Author

查看: 7852|回覆: 19

就嚟結婚,可以點做?(長文,no fb)

[複製鏈接]

註冊日期: 2020-7-30

發表於 2020-7-30 01:15 | 顯示全部樓層 |閱讀模式

我30,男友34。
我同我男朋友拍左拖七年。
拍拖一年發現佢扮單身約女仔食飯,當時我好愛佢,就原諒左。

之後感情都ok。除左有時會為左佢媽而爭吵。因為佢媽係屋企好強勢,好鍾意控制佢啲仔女。佢媽初時對我好挑剔、唔鍾意我,之後我做左好多野討好佢,關係上改善左。

上年年頭佢同左我求婚,五個月後被我發現佢精神出軌。佢話係因為壓力大同新鮮感先會犯錯。當時炒左大鑊,最後我唔甘心放棄,佢承諾唔會再犯,會定時報備等等,最後原諒左佢。

但佢所講承諾會做既野只係堅持幾個月,最後都係不了了之。
而呢幾個月感覺到感情愈黎愈淡,有時msg唔覆或者覆個emoji就算,有時感覺比朋友更疏離。
最近仲為新居裝修同結婚既事爭吵。佢屋企人做裝修,佢媽就係裝修既事上強加好多自己意見,我提出相反意見,最後結果都係跟佢媽意見,我只有妥協。爭吵個次係因為佢冇同我商量好,就係我唔知情既情況下按佢媽既意思買左我唔同意既傢具。

肺炎影響到我地婚禮擺酒,佢就怪我點解要揀呢個貴啲既場地,而唔揀佢提議平少少個個。
我有好好坐低同佢傾關於最近爭吵既問題,傾完之後,似乎我地嘅價值觀差異愈黎愈大。

我仲有兩個月就結婚,心中既刺,最近既爭吵,感情變淡,婆媳,我好猶豫,應該點做好?
回覆
+ Favorite

舉報

註冊日期: 2009之前

發表於 2020-7-30 01:36 | 顯示全部樓層
我會覺得呢個男人各方面定力唔夠,有壓力就可以精神出軌? 媽媽話好就唔駛問你意見?結婚後你會仲辛苦,如果到有小朋友佢先出軌你會仲慘,到時99可能仲要話係你迫到佢出軌⋯ 寧教人打仔,我都唔想樓主分手,不過潛在問題真係要考慮清楚,始終都係影響一生嘅決定

註冊日期: 2020-7-30

 樓主| 發表於 2020-7-30 02:03 | 顯示全部樓層
David Jones 發表於 2020-7-30 01:36
我會覺得呢個男人各方面定力唔夠,有壓力就可以精神出軌? 媽媽話好就唔駛問你意見?結婚後你會仲辛苦,如果到有小朋友佢先出軌你會仲慘,到時99可能仲要話係你迫到佢出軌⋯ 寧教人打仔,我都唔想樓主分手,不過潛在問題真係要考慮清楚,始終都係影響一生嘅決定

多謝你意見
我都擔心自己會做錯決定先咁猶豫?
最近同佢坐低傾
佢都係話當時係想趁未結婚之前
再呼吸自由空氣同埋因為新鮮感
因為結婚之後就要顧屋企顧小朋友
就唔會有機會
跟住我就話其實而家用電話
又可以del record
其實好方便,如果有心要做都做到
佢淨係話佢唔會因為怕煩

註冊日期: 2017-3-20

發表於 2020-7-30 03:36 | 顯示全部樓層
本帖最後由 靈靈@hk 於 2020-7-30 03:39 編輯
hellobaby2 發表於 2020-7-30 02:03
多謝你意見
我都擔心自己會做錯決定先咁猶豫?
最近同佢坐低傾

如果你當無之前嗰七年感情,啱啱先識呢個男人,你知道他會心野出軌、欺騙你、承諾左的事三分鐘熱度(不是瑣碎事)、爭阿媽唔爭你、阿媽又係control freak、大家感情又淡到似水咁,呢個拖你仲會不會拍落去?我諗你唔會囉

七年感情和青春係好長,但比起你往後的人生,is nothing
女人寧願一世單身,都唔好同錯的人結婚

佢都係話當時係想趁未結婚之前
再呼吸自由空氣同埋因為新鮮感

唔知你有無信啦,但我覺得係bullshit。夫妻對大家的家庭係有責任,但不代表要剝奪雙方想做自己的事的自由。如果他係抱住結婚會失去自由,所以婚前盡地一煲的心態去玩,咁婚後只會係三種可能:一他做不到,二他逼自己做但壓力爆煲最後怨你,三他做到但你都唔好旨意有自由

又,如果他真的將婚後家庭崗位看得咁慎重,點解你地兩個將來的家,你的意見會排在他阿媽後面呢?

註冊日期: 2015-4-9

發表於 2020-7-30 04:07 | 顯示全部樓層
又一個媽寶
就咁樣嫁,之後一定唔會開心

反正唔開心既都係你姐嘛

註冊日期: 2020-7-28

發表於 2020-7-30 07:42 | 顯示全部樓層
呢種男人嫁唔過!
佢根本就覺得佢現在做緊既野係冇問題,婚前已經咁唔尊重,咁聽呀媽既話,唔係擺你第一位。
咁婚後,佢更加唔會擺你係第一位置到,如果有左小朋友咁點呀?9個月入面,唔比佢點幾個月?佢又搵藉口話你唔比佢?呢的男人咪自私囉!
只係識唸住自己。
搵男人係咪應該要搵一個將你放係第一位呢?有咩事都會唸起你先?關注你先呢?

嫁錯左,可以離婚,再搵第二個。但明知婚前已經有咁多問題,咁點解總要去冒險呢?

註冊日期: 2015-8-22

發表於 2020-7-30 08:02 | 顯示全部樓層
结婚前已經出軌兩次,你信佢會改?佢根本不重視你,亦不愛惜你,媽媽比你重要,有事就將責任推俾你。你認為结婚會有幸福?

註冊日期: 2016-7-12

發表於 2020-7-30 09:10 | 顯示全部樓層
其實而家用電話
又可以del record
其實好方便,如果有心要做都做到
佢淨係話佢唔會因為怕煩


唔會係因為怕煩,而唔係因為愛你或者覺得出軌唔啱。
樓主自己諗清楚。

註冊日期: 2020-7-30

發表於 2020-7-30 10:14 | 顯示全部樓層
一次不忠,百次不容。
何必難為自己?
定信佢會變會改?
定改變自己遷就佢?

註冊日期: 2020-7-30

 樓主| 發表於 2020-7-30 11:50 | 顯示全部樓層
裝修既事,佢話係以為已經通知左我,因為佢都提過話佢媽想買,同埋佢都知我唔鍾意,所以淨係放左係暫時係佢用既工作房。佢冇諗到我係會覺得意外。

間屋係佢同佢屋企人置既物業,
佢覺得點都尊重佢屋企人既意見,
而且我係裝修既事情比較少參與,
佢會覺得既然我冇點付出,唔應該見到有樣野唔順心就話佢

註冊日期: 2020-7-30

 樓主| 發表於 2020-7-30 12:18 | 顯示全部樓層
我諗係佢角度會覺得
我係到舊事重提
佢話知自己唔啱
但覺得自己之後係well behave
亦都有係我地將來
例如住屋既事上出力

雖然佢真係冇做到
個幾樣承諾既野
例如報備佢會覺得
係meaningless既野
當初答應只係想氹我開心

佢係覺得自己
其實冇咩問題
佢會覺得結婚既事佢有做到野
裝修既事係佢同佢屋企人付出最多
反而係我要糾結係啲虛無既事上面

例如舊事重提
感情變淡
佢覺得感情變淡係因為時間耐左
佢覺得係好正常亦都係好自然既事
覺得好多couples都係咁

佢話問邊個結婚十幾年男人
仲會唔會好愛好愛佢老婆
佢覺得好多男人心底都唔會

註冊日期: 2016-7-12

發表於 2020-7-30 12:58 | 顯示全部樓層
樓主,我諗大家講咩你都會照結婚。
佢求婚五個月後被你發現出軌都唔分手,咁你更加唔會為咗件傢俱而分開啦。
不過,你係因為真心想同呢個人一齊而結婚,定因為唔甘心而結婚,你自己諗清楚,之後要怨咩都好,記住呢個係你自己嘅選擇。

註冊日期: 2015-8-22

發表於 2020-7-30 13:14 | 顯示全部樓層
佢覺得你唔應該話佢,但就話你唔應該揀咁貴的酒席!唔需要向任何人解釋,是你自己一生的選擇。

註冊日期: 2017-3-20

發表於 2020-7-30 13:22 | 顯示全部樓層
hellobaby2 發表於 2020-7-30 12:18
我諗係佢角度會覺得
我係到舊事重提
佢話知自己唔啱

我同意你之前說你們價值觀上真的很不同。不同其實可以磨合可以慢慢改變,但要在雙方都意識到這樣下去唔work的情況下才有可能。

一對夫婦在一起久了,會變淡的是激情,感情是不會變淡的,只會愈積愈深。一起久了,你可以比當初上床少了(不是無),但大家依然可以有相同的喜好,無盡的話題。那就要看你們是那一種了,如果是像同屋住,一日講不到幾句話,或者你連主動同他講野的動力都無,那就要三思

說到底,一百個人有一百套愛情邏輯,不是別人說的合不合理,而是你想不想要那樣的下半生

註冊日期: 2020-7-18

發表於 2020-7-30 13:41 來自手機 | 顯示全部樓層
其實大家都無左份信任,出軌點講都可以講到原因比你,要你原諒唔通同你講下次會再有同樣事情發生?
同埋佢媽既意見一定會繼續左右到你地,佢媽有意見唔係問題,但佢要有消化過思考過自己想點。

註冊日期: 2019-10-23

發表於 2020-7-30 14:12 | 顯示全部樓層
分手

註冊日期: 2020-7-27

發表於 2020-7-30 21:53 | 顯示全部樓層
hellobaby2 發表於 2020-7-30 12:18
我諗係佢角度會覺得
我係到舊事重提
佢話知自己唔啱

佢依家已經咁多野可以賴
之後你覺得佢會改?
報定案話你將來一定會淡
都已經係無打算要保持新鮮感
你未結婚都可以原諒佢2次出軌
佢都睇死你心軟啦
明知個老婆一定會原諒
你不如去問下有邊個男人喺呢個情況下會有食唔食丫

註冊日期: 2012-6-29

發表於 2020-7-31 12:52 | 顯示全部樓層
樓主,我非常明白你的心情複雜。

裝修事宜,女方沒出錢的話,男方和男方家長肯定覺得你沒出錢,不應該有意見,只需要通知你,而不是尋求你意見。這件事情反映出男方家長和男方一開始覺得你在未來錢財收入上不會有很大付出,所以不用尊重你意見,可見你未來的路很難走,就算男方未來做錯任何事情或你們之間有任何爭吵,男方家長都不會為你說話,甚至會叫男方和你離婚。

如果現在要分手,7年時間對於一個女孩來說,實在是承受不起,放棄了現在這個不一定能在青春還在的時候找到另外一個適合結婚或願意和你結婚的人。

樓主,你需要問清楚自己,江山易改本性難移,為自己設想好最壞的情況,將來婚後如果男方出軌,無論精神上或身體上的出軌,你都能承受,為孩子維持著這個家。如果可以做到的話,就去繼續結婚。如果真是做不到,離婚後再去找其他男士會增加難度,如果有孩子了,你會更痛苦。

希望樓主想清楚自己的承受能力,不要想著如果現在放棄不結婚,7年時間就變成打水漂。如果真能勇敢承受最壞的結果,給那個男人一個機會,也給自己7年的付出一個機會,去結婚。胡杏兒的老公以前都是花花公子,現在也變成好老公。當然也有不好結局的黃宗澤,分手後照樣是花花公子。

註冊日期: 2009之前

發表於 2020-7-31 13:16 | 顯示全部樓層
靈靈@hk 發表於 2020-7-30 03:36
如果你當無之前嗰七年感情,啱啱先識呢個男人,你知道他會心野出軌、欺騙你、承諾左的事三分鐘熱度(不是瑣 ...

分析得好到位
值得鼓掌

註冊日期: 2020-3-7

發表於 2020-7-31 14:36 | 顯示全部樓層
有猶豫,呢個婚真係要繼續結落去?
您需要登錄後才可以回帖 登錄 | 註冊

News
Feature
Blog
Load more
 
NOTIFICATION