{ LIFESTYLE }
14 Mar 2018
三月追劇手冊!精選三套必追韓劇



三月係出遊好季節?哪有假吖!若然各位sis都同小編一樣,只能留係香港的話,不如開套劇出嚟煲,安慰一下身心靈嘛~最近係三月呢,更一連推出三套超有睇頭嘅韓劇添!事不而遲,馬上睇下有咩特別啦!


《小神的孩子們》







喜歡睇超能力、懸疑片類嘅你就唔可以錯過呢套《小神的孩子們》喇,劇集一推出已經備受討論!內容講述擁有預知別人死亡嘅金丹(金玉彬飾),長大後成為刑警,期間遇上菁英刑警千在仁(姜至奐飾),再合力靠預言破奇案!



單睇第一集嘅預告,故事似乎已經非常緊湊又出人意表!有啲驚嚇又有啲緊張嘅情節,最適合捉實另一半一齊睇!


《那個男人 吳秀》





未睇套劇講咩,但單睇有CNBLUN嘅李宗泫,相信已經有不少人打算追睇!如果單身嘅你想比一堆又一堆嘅曖昧、浪漫情節淹沒,咁呢套輕鬆浪漫愛情片就啱你喇~



內容講述男主角吳秀(李宗泫飾)雖為學歷超高嘅AI人工智慧博士,但卻係對戀愛無感嘅高富帥。再遇上破解不了「戀愛黑洞」詛咒嘅女主角徐宥利(金昭誾飾)而展開嘅超曖昧愛情故事!

《Live》






相信大家都等咗呢套劇好耐喇!因為正正係由我地嘅亞洲王子李光洙擔正做主角呀!《Live》雖然都係以警察故事為背景,但見光洙係到,就知一定會笑料百出啦~





故事講述退伍後嘅尚秀(李光洙飾),單純為咗金錢、使命感零嘅佢走去做巡警。然後就當然會遇上女主角韓靜伍(鄭有美飾)啦~故事雖然以偏喜劇形式演出,但當中所涉及嘅案件依然咁緊張刺激架!



白色情人節無情人唔緊要!相信呢三套已開播嘅劇集必定能陪到大家~


Source:ocntvn

YOU MAY ALSO LIKE
News
Feature
Blog
02 Sep 2018
Load more
 
NOTIFICATION