{ LIFESTYLE }
17 May 2018
朴炯植唱而優則演 《金裝律師》轉型做實力派型男

近年韓國有好多歌手轉型做演員嘅例子,好似EXO成員嘅D.O咁,仲試過係百想藝術大賞獲獎,可以話係演技上嘅肯定。而家係Viu煲劇App 熱播嘅韓劇《金裝律師》中飾演高延宇嘅朴炯植,同樣是偶像團體ZE:A出身,近呢兩年開始努力轉型做演員。2015年仲試過係年尾演技大賞中榮獲迷你電視劇類別的男子優秀演技賞。


 

 高大靚仔嘅朴炯植唔係得個樣,佢係小時候接受過聲樂訓練,中學時期擔任樂隊主唱,成為加入樂壇的契機,早年朴炯植上節目時曾透露,兩大韓國娛樂公司YG Entertainment及SM Entertainment都曾向他招手,不過被他拒絕試鏡。其後開始出演劇集,最令人印象深刻一定係2013年嘅《繼承者們》,雖然全部演員都係青春偶像,飾演富二代的朴炯植仍然搶鏡,其可愛挑皮的演出,俘虜了大批劇迷的心,更為他在亞洲市場打響了知名度。

 

 

 

2016年朴炯植接拍KBS電視台劇集《花郎》,該劇集合朴敘俊、男團Shinee成員崔珉豪及男團防彈少年團成員V等男神,朴炯植飾演性格陰沉的男二,做開時裝劇的他,穿上古裝一樣帥氣。夾著《花郎》的人氣,朴炯植去年演了話題十足的劇集《大力女子都奉順》,飾演靚仔、專一又霸氣的富二代,與人氣女星朴寶英搭檔成新一代螢幕情侶,更被老、中、青女士視為模範男朋友及老公,令朴炯植人氣爆紅。



 

Source:Instagram

Text:Alina Wan

KEYWORDS / 朴炯植, 金裝律師
YOU MAY ALSO LIKE
News
Feature
Blog
Load more
 
NOTIFICATION