{ LIFESTYLE }
13 Jun 2018
陳展鵬被爆係無賴租客:「如果有做過,我雙手跛」

陳展鵬早前被報導指於將軍澳租住的維景灣畔單位涉嫌欠租兼毀約,搞到業主更拍片指控對方多宗罪,包括主動要求簽約兩年卻提前一年搬走,即等同毀約須賠償一年租金,又指展鵬並未繳付最後一個月嘅租金而用按金代替,更弄壞單位內電器同地板等,業主怒斥陳展鵬無賴!


事緣今年初陳展鵬嘅媽咪因單位地板撬起而跌倒,陳展鵬就透過助手就向業主投訴,業主建議搵裝修師傅去解決,但遭展鵬拒絕。之後透過助手轉發屋內地板撬起嘅短片俾業主,並通知對方5月就會搬走。可惜業主在收樓時卻發現屋內地板變黑發霉、某些位置更被鑽咗個大窿。




搞到咁多事,陳展鵬當然要出黎澄清下,昨日佢係電視城出席劇集《天命》宣傳時似乎有備而來,佢受訪時否認整爛地板,而是熱漲冷縮才變成地板不平,最終令媽咪係屋企被地板絆腳,搞到腦震盪,至今仍未痊癒。



陳展鵬指業主可以循法律途徑去處理,並非係向傳媒控訴,並斥責自己絕對可以畀返一個月嘅租金對方,「但係咪我哋藝人知名度高,就可以用呢啲方法去做佢想做到嘅嘢呢。」



Source:Instagram
Text:Alina Wan

KEYWORDS / 陳展鵬
YOU MAY ALSO LIKE
News
Feature
Blog
Load more
 
NOTIFICATION