{ BEAUTY }
23 Apr 2019
令男生愛上你的香氣!約會必備日牌香水特集



令男生愛上你⋯⋯?嗱!我地唔係講緊果啲費洛蒙香水~而係介紹3款來自日本嘅香水/香體噴霧,佢地嘅香味真係清新到無論男女都一樣咁鍾意架!

 

LAYERED FRAGRANCE Body Spray




第一款介紹嘅係由人稱「香水王子」,日本知名香水設計師石坂将先生創辦嘅香水水品牌,唔好睇佢包裝咁簡約簡單,佢嘅Body Spray近期簡直係俘虜咗Be編輯部嘅心,一共有18種味道,由花香到果香,甚至一啲特別啲好似香檳、Vodka味都有,每款都好清新獨特,而小編們大推當中嘅Fresh Pear鮮梨味,佢嘅香味甜得嚟非常之舒服,就連男生都大讚!除咗噴係脈搏位,小編發現噴係衣物會更加持久!






Body Spray100ml大支裝同10ml便攜裝,啱晒拎出街用!品牌剛剛係香港開設期間限定店,大家可以去試清楚再買!!

 

OHANA MAHAALO淡香水





喜歡日本美妝嘅女生一定對OHANA MAHAALO嘅香水唔陌生。OHANA MAHAALO源自夏威夷語,OHANA代表家人同夥伴;而MAHAALO有感謝嘅意思,代表著對家人朋友有著恆久嘅祝福。相信每位女生未聞到白味都一定先俾佢嘅包裝吸引到,每支唔同嘅彩繪樽身實在太夢幻!!!香味選擇都有好多種,真係揀都有排揀,不過個人覺得佢嘅持久度就一般!

 

FIANCÉE 身體香氛噴霧




如果鍾意啱啱沖完涼嘅味道的話,呢款Body Spray就啱晒你!FIANCÉE嘅香體噴霧以清新見稱,有BB爽身粉味、肥皂味、BB體香味、花果香味,夏天噴一噴成個人Fresh晒,簡直係臭汗味中嘅清泉(笑)雖然佢唔大支,但每次唔使噴太多已經夠晒,出奇地好襟用!!

 
TEXT:LaamLaam IP

Sourceidalabo.co.jp    instagram  instagram

YOU MAY ALSO LIKE
News
Feature
Blog
Load more
 
NOTIFICATION